Family friendly

Aandag en konsentrasie

Sat May 15, 09:00 - Sat May 15, 12:00

SA Toy Trade

ABOUT

Ons wonder gereeld waarom dit so moeilik is vir ons kinders om stil te sit en op een ding te fokus.


Waarom kan my kind so lank op ‘n speletjie op sy foon of tablet konsentreer, maar nie vir 5 minute stilsit om sy kos te eet of in die klas ‘n opdrag te hoor of uit te voer nie?


Baie van ons kinders word met ADHD gediagnoseer, en sukkel om in die klas funksioneel te kan fokus en konsentreer.


Dit is egter baie moeilik vir ons juffrouens en ons as ouers om ons kinders wat sukkel met konsentrasie doeltreffend te kan help in die klaskamer en tuis.


Meer oor die aanbieder:


Hierdie seminaar word aangebied deur Magdi Kruger, 'n praktiserende arbeidsterapeut, gespesialiseerde handrehabilitasieterapeut en outeur van verskeie kleuterstimulasie- en ontwikkelingsprogramme.



Kom leer gerus saam oor:



  • Wat behels dit om te kan konsentreer en funksioneel op skoolwerk te fokus?
  • Hoe lank moet my kind kan konsentreer?
  • Interressante navorsing oor aandag en konsentrasie en wat dit alles behels.
  • Mediese kondisies wat gereeld met aandag en konsentrasieprobleme gepaard gaan.
  • Watter boublokkies moet in plek wees vir ons kinders om te kan konsentreer?
  • Hoekom sukkel party van ons kinders meer om te fokus en te luister na opdragte?
  • Is daar moontlik ander redes waarom my kind nie kan stilsit nie?
  • Watter praktiese planne kan ek maak om my kind te help om beter te kan fokus?


Funksiebesonderhede:


Datum: Saterdag, 15 Mei 2021

Tyd: 09:00 - 12:00

Plek: SAToytrade, Zarivonco Plot 91, Rietfontein, Hartbeespoort, 0216

Prys: R200 pp (sluit verversings, asook ‘n paar praktiese hulpmiddels in om saam te neem huis toe om ons kinders wat hiermee sukkel te kan ondersteun)


Met trots ondersteun deur SAToytrade.


Bring jou beursie saam, SAToytrade verkoop verskeie opvoedkundige hulpmiddels vir u en u kind om te gebruik!

DIRECTIONS

Aandag en konsentrasie
SA Toy Trade
Unnamed Road, Hartbeespoort, 0216
Get Directions